Nur so ein Beispiel, womit ich mir im Moment die Zeit vertreibe ;-)



Filter, Farben, Zuschneiden... u.s.w. ich probiere den Adobe Photoshop ein wenig aus. Bis jetzt habe ich wahrscheinlich nicht einmal 5% der Möglichkeiten genützt! Das Ergebnis hier ist entsprechend auch nichts Spektakuläres...

Dafür wisst ihr jetzt, wie Kookie aussieht. Zumindest annähernd :-p

halt.. tja, s'isch halt wieder emal sonen Tag gsii. Dusse schiffets so fescht, dass ich grad wieder chan go d'Balkonfänschter putze, wills vo usse voll schwarze Pünktli sind *fluech* Defür han ich s'Geschtezimmer wieder emal uufgrumet, umgrumet, und putzt, wänn au nonig ganz. Mit em Staubsuuger wart ich, bis d'Meersöili wieder emal verusse sind, will die immer so schurig Angscht vor em Staubsuuger-Grüüsch händ. Und da si scho vom starche Räge, wo uf de Dachfänschter en schöne Meis verastaltet hät, zimmlich iigschüchteret gsii sind, han ich sie dadevo wenigschtens wele verschoone. Ich han dänn no wele die chliini Sou useneh (de Fluumer) und echli streichle, aber die hät mer mit ihrem Mords-Angschtpfiff en schöne Hörschade gsetzt! Dänn halt nöd *tse* ABer d'Gurkeschnitzli händs nachher mit Heisshunger inegschlunge!

Jetzt sitz ich scho sit überere Stund vor em PC und sötti mini Buechhaltig uf Vordermaa bringe, aber mich aa. Also spil ich halt echli, lise i allne mögliche Blog und lose i einer Luutstärchi Musig. Usserdem han ich Hunger... wänn ich elei wohne würd, wär ich scho lang ide Chuchi. Jetzt friss ich halt suscht echli Schweinereie und warte...